Bolt, i cili mban edhe rekordin botëror në këtë disiplinë, u bë sprinteri i parë që e mbron medaljen e artë olimpike që kur amerikani Karl Lewis fitoi për të dytën herë radhazi në vitin 1988.

Vendin e dytë e zuri xhamajkani tjetër Yohan Blake, ndërsa medaljen e bronxtë e mori amerikani Justin Getlin.

"Ky është një hap tjetër drejt objektivit tim: dua të jem legjendë".

Këto janë fjalët e Usain Bolt menjëherë pas fitores së medaljes së artë në garën e 100 metrave, në "Londër 2012".


Sprintieri zbuloi edhe menunë e ditës së finales: "Kam ngrënë banane dhe një sanduiç para garës. Sanduiçi sigurisht që ishte pa salsë. Ndërsa gjatë ditës kam ngrënë pilaf dhe mish pule".